Aðstandendur fólks með heilabilunarsjúkdóma - helstu áskoranir á mismunandi stigum sjúkdómanna

Vegna mikilla vinsælda endurtökum við þennan mikilvæga og áhugaverða fyrirlestur með Brynhildi, sálfræðingnum okkar sem var síðast haldinn haustið 2025 og þá var húsfyllir.

Í fyrirlestrinum verður fjallað um helstu áskoranir aðstandenda á ólíkum stigum: frá greiningarferlinu, yfir dagþjálfunartímabilið og hvíldarinnlagnir, til flutnings á hjúkrunarheimili. Í þessu ferli eru eru ýmsar krefjandi vörður sem reyna á fjölskyldur og aðstandendur.

Brynhildur hefur í gegnum störf sín með stuðningshópum samtakanna og sálfræðiviðtölum öðlast mikla innsýn í það sem aðstandendur ganga í gegnum. Hún þekkir jafnframt vel til heilabilunar og mun deila nytsamlegum ráðum og benda á gagnleg úrræði.

Þessi fyrirlestur er einungis ætlaður aðstandendum og fagfólki.

🗣 FYRIRLESARI

Brynhildur Jónsdóttir sálfræðingur sem sér meðal annars um sálfræðiviðtöl og stuðningshópa fyrir aðstandendur hjá okkur í samtökunum.

Brynhildur hefur starfað á Minnismóttökunni á Landakoti við taugasálfræðilegar greiningar á fólki sem þangað leitaði vegna gruns um byrjandi heilabilun. Þá var hún einnig klínískur sálfræðingur á Áfalla- og sálfræðimiðstöðinni og sinnti greiningum og meðferð á sálrænum vanda hjá fullorðnum.

👥 FYRIR HVERJA

Einungis fyrir aðstandendur/fagfólk og aðra sem hafa áhuga á málefninu. Fyrirlesturinn er ekki ætlaður einstaklingum með heilabilun.

Engin skráning nauðsynleg.

⏰ HVENÆR

Þriðjudaginn 13. október kl. 17:00

🏠 HVAR

Fyrirlesturinn verður haldinn í húsnæði samtakanna í St. Jó í Hafnarfirði á 3. hæð. Athugið að það eru fleiri bílastæði við húsið Hringbrautarmegin.

📹 UPPTAKA

Fyrirlesturinn verður tekinn upp og settur á vefinn okkar daginn eftir.