eivør

Töfrandi Eldborg með Eivöru

Þann 23. október tekur Eivör yfir Eldborg með sínum eintaka hætti og splunkunýtt efni í farteskinu. Framundan er kvöld fullt af krafti, dulúð og tónlist sem lætur engan ósnortinn. Evróputúr Eivarar hefst í Færeyjum og á Íslandi. Þetta verður kvöld sem þú vilt ekki missa af.

Platan Tungl, kemur út 16. október og fylgir eftir plötunni ENN, sem kom út árið 2024.

Á Tungl kafar Eivör enn dýpra í dimman og draumkenndan hljóðheim. Platan fjallar um síbreytilegar hringrásir lífsins og ferðast á milli viðkvæmni og sorgar, ástar og missis, styrks og umbreytinga. Fjögur lög hafa þegar verið gefin út; Healer, Drekafljóð, Verjugarðar og Spøkilsir.

Nýtt myndband var nýlega frumsýnt við lagið Drekafljóð en það var tekið upp á íslandi og er í leikstjórn Krassasig.

Horfðu á myndbandið hér

Ekki missa af Eivöru í Eldborg þegar hún hefur Evróputúrinn með nýja tónlist úr Tungl í farteskinu!