Mattheusarpassían - Sinfóníuhljómsveit Íslands

Það er ekki á hverjum degi að ráðist er í flutning á þrekvirki J. S. Bachs, Mattheusarpassíunni, en árið 2027 verða 300 ár liðin frá frumflutningi hennar. Sinfóníuhljómsveit Íslands flytur nú þetta stórvirki tónlistarsögunnar ásamt fjölda einsöngvara og kóra undir stjórn Benedikts Kristjánssonar. Benedikt er okkar fremsti túlkandi á söngtónlist Bachs og eftirsóttur sem slíkur um gervalla Evrópu. Hér leiðir hann hljómsveitina auk þess að syngja hlutverk guðspjallamannsins. Með Benedikt koma fram margir af okkar fremstu söngvurum ásamt einvalaliði erlendra einsöngvara. Þrír kórar taka þátt í flutningi þessa mikilfenglega verks, sem tekur um þrjár klukkustundir í flutningi. Þetta eru tónleikar sem enginn tónlistarunnandi getur látið framhjá sér fara.

Efnisskrá

Johann Sebastian Bach: Mattheusarpassía

Hljómsveitarstjóri og guðspjallamaður

Benedikt Kristjánsson

Einsöngvarar

Anton Haupt Jesú og aríur

Herdís Anna Jónasdóttir sópran

Reginald Mobley kontratenór

Sveinn Dúa Hjörleifsson tenór

Oddur Arnþór Jónsson barítón

Kórar

Kór Langholtskirkju

Mótettukórinn

Skólakór Kársnesskóla